انا حلمي اننا نشجع المبتكرين من الشباب فمثلا قرأت ان هناك شاب ابتكر طريقة لفصل الهيدروجين من الماء وعمل يوتيوب علي النت بيوري فيه ازاي هوه عمل جهاز بسيط يفصل الهيدروجين من الماء واستخدمه فعلا في ادارة السيارة وفي الطهي .
افتكرت لما شفت الفيديو ده مقال ودراسة كبيرة في الاهرام عن مشروع لفصل الهيدروجين من الماء من بحيرة ناصر للظروف الطبيعية من حرارة ورطوبة هناك وان المشروع ده ممكن يمون العالم كله بالهيدروجين النظيف كوقود وبعد كده اتقفل علي الموضوع ده ، تصوروا ان مصر هتصبح اغني دولة في العالم اجمع بالهيدروجين ده وتصوروا حجم الهناء والرفاهية التي يتمتع بها المصري وكم الاحترام من كل شعوب العالم له وكيف ان العالم كله يخطب ود المصريين من اجل مشروع واحد ممكن نتجمع كلنا ونشترك مع بعض ونعمله .
والموضوع موش حلم ولكن العلماء عندنا كتير ومادام انسان هاوي عمل المشروع ده علي نطاق ضيق فممكن يعمله علي نطاق واسع ، وهتقولوا نجيب منين التمويل اقول لكم نعمل شركه ونشترك فيها كلنا فمثلا لو عندنا عشرين مليون شاب ومصر الحمد لله مليانه شباب وشابات وعملنا سهم للشركه ب مائة جنيه فقط وكل انسان اشتري عشرة اسهم فما فوق حسب امكانياته فكم ممكن نجمع رأس مال يعني عشرين مليون مضروبه في الف جنيه يعني = 20,000,000,000 يعني عشرين مليار جنيه ايه رأيكم ممكن لو سمحتم تدوا تعليقكم علي المشروع بأسفل المقالة دي ، وربنا يوفق مصر وشباب مصر علشان مصر تتطور وتبقي سيدة العالم
لقد قرأت عن هذا الموضوع في جريدة الاهرام من سنوات عديدة ولم يتحدث احد عنه بعد ذلك ، وبالصدفه وجدت اليوتيوب الخاص بهذا الانسان المصري البسيط وفيه توضيح للجهاز البسيط الذي ابتكره لفصل الهيدروجين عن الماء وكيف انه استخدمه كوقود لسيارته وللطهي وقد تمنيت ان تتبناه الدولة بدلا من مشاريع اضاعة الاموال مثل جراج رمسيس الذي بني وهدم بلا سبب وخسرنا كلنا تكلفته ولم يتبرع احد من الدولة لشرح السبب في البناء او السبب في الهدم وياريت الدولة تشجع الشباب علي تكوين هذه الشركه والاشتراك مع بعض لعمل هذا المشروع وشكرا
ReplyDelete